Kanada bash ministiri trudo xitay hökümitini Uyghurlargha tutqan mu'amilisining aqiwitidin agahlandurdi

Muxbirimiz erkin
2021-03-05
Share

Kanada bash ministiri jastin trudo xitayni Uyghurlargha tutqan mu'amilisining "Mumkin bolghan aqiwetliri" din agahlandurghan. Kanadadiki "Yer shari we pochta" gézitining xewer qilishiche, bash ministér trudo, xitayning kanadada turushluq bash elchisi sung péywu xitayning Uyghurlargha irqiy qirghinchiliq yürgüzgenliki, mejburi emgekke salghanliqi we yurt makanliridin köchürgenlikini inkar qilip, arqidinla bu sozlerni qilghan. Sung péywu 3-mart axbarat yighini ötküzup, xitayning shinjangda irqiy qirghinchiliq qilghanliqi we mejburiy emgekni yolgha qoyghanliqi heqqidiki pikirlerni "Bu esirdiki yalghanchiliq" dégen idi.

Biraq trudo charshenbe küni muxbirlargha "Bu toghruluq pütün dunya endishisini ipadilewatidu. Kanada parlaménti buningdin birqanche hepte ilgiri bu jehettiki endishilirini nahayiti éniq ipadilidi," dégen. U yene "Biz xelq'araliq ittipaqdshlirimiz bilen dunya otturigha qoyalaydighan, mumkin bolghan aqiwetler da'iriside hem éniq bir jawap élish hem mes'uliyiti barlarni jawabkarliqqa tartish üchün hemkarlishidighanliqimizni qeyt qilimiz," dep körsetken.

Kanada parlaméntining awam palatasi téxi yéqinda birdek awaz bilen xitayning Uyghurlargha "Irqiy qirghinchiliq" yürgüziwatqanliqini qobul qilghan idi. "Yer shari we pochta" gézitining körsitishiche, trudo yene béyjinggha qaritilghan herqandaq imbargoning köp tereplimilik asasta bolushi téximu yaxshi bolidighanliqi" ni bildürgen. Trudo bu sözlerni kanada parlaméntining Uyghur irqiy qirghinchiliq qararini étirap qilish toghrisida qattiq bésimigha uchrawatqanda éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet