Канада баш министири хитайниң шинҗаңға алақидар ембаргосини "қобул қилғили болмайду" деди

Мухбиримиз әркин
2021-03-29
Share

Канада баш министири җастин трудео хитайниң 27-март икки нәпәр америка әмәлдари билән канада парламент әзаси майкил чоңға ембарго қойғанлиқини тәнқидләп, хитайниң һәрикитини "қобул қилғили болмайдиғанлиқи, шуниңдәк кишилик һоқуқни қоғдашни давамлаштуридиғанлиқи" ни билдүргән. Канададики "дөләтлик почтиси" гезитиниң хәвәр қилишичә, трудео 27-март тветтирда учур йоллап, хитайниң ембаргосиға инкас билдүргән.

У хитайниң ембаргоси "қобул қилғили болмайдиған һәрикәт икәнлики" ни тәкитләп, "биз хәлқара шериклиримиз билән биргә дуняниң һәр қайси җайлирида кишилик һоқуқни давамлиқ қоғдаймиз" дегән. Канада парламент әзаси, парламент ташқи ишлар вә хәлқара тәрәққият комитетиниң муавин рәиси майкел чоң канада парламентиниң бу йил 22-феврал хитайниң уйғурларға тутқан муамилисини "ирқий қирғинчилиқ" дәп етирап қилишида һалқилиқ рол ойниған сиясийон.

Канада ахбарат ширкитиCBC ниң хәвәр қилишичә, майкел чоң27-март тветтирға йоллиған учурида хитайниң униңға қойған җазасини "бир шәрәп бәлгиси сүпитидә тақап йүридиғанлиқи" ни билдүргән. У: "биз демократик дөләтләрдә қанун билән әркин яшайдиғанлар авазсизлар үчүн сөзлишимиз керәк. Әгәр хитай буниң үчүн маңа ембарго йүргүзгән болса, мән буни шәрәп бәлгиси сүпитидә тақап йүримән" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт