Канада кишилик һоқуқ музейида "хитайдики ирқий қирғинчилиқ" көргәзмиси өткүзүлидикән

Мухбиримиз җәвлан
2021-04-21
Share

"йәр шари почта гезити" ниң хәвәр қилишичә, канада музейи пәйшәнбә күни тор арқилиқ "хитайдики ирқий қирғинчилиқ" көргәзмиси өткүзидикән.

Канада баш министери җастин тродо вә униң һөкүмитидикиләр гәрчә хитайниң җинайитини "ирқий қирғинчилиқ" дәп җакарлашни халимайватқан болсиму, канададики аммиви органлар вә ширкәтләрниң бу җәһәттә актип паалийәт қилишини тосуп қалалмиған.

Канада таҗ ширкити канаданиң винипег шәһиригә җайлашқан канада кишилик һоқуқ музейида пәйшәнбә күни (22-апрел) интернет арқилиқ бир мәйдан көргәзмә уюштуруп, хитайниң уйғурларға йүргүзүп келиватқан ирқий қирғинчилиқини көрситидикән. Бу паалийәткә германийәтлик тәтқиқатчи адриян зенизму қатнишидикән.

Адриян зениз пәйшәнбә күнидики бу көргәзминиң униң тәтқиқат нәтиҗилирини көрситиштә яхши бир пурсәт икәнликини билдүрүп мундақ дегән: "канада кишилик һоқуқ музей бу йәрдә муһим рол ойнайду, чүнки у кишиләрни тәрбийәләйду, йәни келип бу музейда өтмүштики қәбиһ җинайәтләргә даир көплигән мәлуматлар бар".

Хәвәрдә билдүрүлүшичә, таҗ ширкити бу паалийәтни өткүзүштә канада һөкүмити билән арилиқ сақлиған вә уларниң рухсәт беришини тәләп қилмиған. Буниңдин илгири канада авам палатаси хитайниң җинайитини "ирқий қирғинчилиқ" дәп җакарлашни авазға қойғанда тродо башлиқ 30 нәпәр һөкүмәт әмәлдари ваз кечиш белити ташлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт