Канада парламенти хитайниң уйғурларни бастурушини» ирқий қирғинчилиқ «дәп етирап қилишқа чақирилди

Мухбиримиз әркин
2020-07-20
Елхәт
Пикир
Share
Принт

Канада парламенти кишилик һоқуқ комитетиниң 20-июл өткүзүлгән уйғурлар һәққидики гуваһлиқ йиғинида, хитайниң уйғурларға қаратқан бастурушиниң» ирқий қирғинчилиқ «қа киридиғанлиқи, канада парламентиниң буни» ирқий қирғинчилиқ «дәп етирап қилиши тәләп қилинди. Канада парламенти авам палатасиниң кишилик һоқуқ комитети 20-июл» хитайдики уйғур мусулманлириға қаритилған ирқий қирғинчилиқ «дегән темида гуваһлиқ йиғини өткүзгән. Парламент әзаси гарнет гениюсниң тәшәббуси билән чақирилған мәзкур гуваһлиқ йиғинида нурғун мутәхәссисләр, паалийәтчиләр вә уйғур, қазақ шаһитлар гуваһлиқ бәргән.

Йиғинда канададики раол волленберг кишилик һоқуқ мәркизиниң мәсули ирвин котлер гуваһлиқ берип, канаданиң уйғурлаға қаритилған қирғинчилиққа дәрһал инкас қайтуруши, униң магнитиский кишилик һоқуқ қанунини ишқа селипла қалмай, дело турғузуп, хәлқара җинайи ишлар сотиға әрз қилиши шундақла хитайниң қилмишиниң» ирқий қирғинчилиққа «киридиғанлиқини етирап қилиши керәкликини тәкитлиди. У мундақ дәйду:» буниңда парламент йетәкчилик рол ойнап, кәң көләмдики бу вәһшийликниң ирқий қирғинчилиқни тәшкил қилидиғанлиға ениқлима бериши керәк. Биз роһиңгада йүз бәргән ишларни ирқий қирғинчилиқ, дәп тониған тунҗи парламент. Биз уйғурларға болуватқан ишларни ирқий қирғинчилиқ, дәп етирап қилиштиму тунҗи парламент болушимиз керәк «.

Канада парламентиниң пүтүн бир күн давамлашқан бүгүнки гуваһлиқ йиғинида ирвин котлер билән бир қатарда йәнә гермнаийәлик уйғуршунас адриян зенз, канадалиқ журналист охси язиҗи, хәлқара кәчүрүм тәшкилати канада шөбисиниң мәсули аликис нәви, канадада турушлуқ уйғур паалийәтчи мәмәт тохти, шветсийәдә яшаватқан қазақ лагер шаһити сайрагүл саутбай, америкадики уйғур адвокат рәйһан әсәт қатарлиқ кишиләр гуваһлиқ берип, нөвәттики уйғур вәзийитини һәр хил нуқтилардин тонуштурди.

Пикирләр (0)
Share
Толуқ бәт