Kanada parlaménti xitayning Uyghurlarni basturushini" irqiy qirghinchiliq "Dep étirap qilishqa chaqirildi

Muxbirimiz erkin
2020-07-20
Élxet
Pikir
Share
Print

Kanada parlaménti kishilik hoquq komitétining 20-iyul ötküzülgen Uyghurlar heqqidiki guwahliq yighinida, xitayning Uyghurlargha qaratqan basturushining" irqiy qirghinchiliq "Qa kiridighanliqi, kanada parlaméntining buni" irqiy qirghinchiliq "Dep étirap qilishi telep qilindi. Kanada parlaménti awam palatasining kishilik hoquq komitéti 20-iyul" xitaydiki Uyghur musulmanlirigha qaritilghan irqiy qirghinchiliq "Dégen témida guwahliq yighini ötküzgen. Parlamént ezasi garnét géniyusning teshebbusi bilen chaqirilghan mezkur guwahliq yighinida nurghun mutexessisler, pa'aliyetchiler we Uyghur, qazaq shahitlar guwahliq bergen.

Yighinda kanadadiki ra'ol wollénbérg kishilik hoquq merkizining mes'uli irwin kotlér guwahliq bérip, kanadaning Uyghurlagha qaritilghan qirghinchiliqqa derhal inkas qayturushi, uning magnitiskiy kishilik hoquq qanunini ishqa sélipla qalmay, délo turghuzup, xelq'ara jinayi ishlar sotigha erz qilishi shundaqla xitayning qilmishining" irqiy qirghinchiliqqa "Kiridighanliqini étirap qilishi kéreklikini tekitlidi. U mundaq deydu:" buningda parlamént yétekchilik rol oynap, keng kölemdiki bu wehshiylikning irqiy qirghinchiliqni teshkil qilidighanligha éniqlima bérishi kérek. Biz rohinggada yüz bergen ishlarni irqiy qirghinchiliq, dep tonighan tunji parlamént. Biz Uyghurlargha boluwatqan ishlarni irqiy qirghinchiliq, dep étirap qilishtimu tunji parlamént bolushimiz kérek ".

Kanada parlaméntining pütün bir kün dawamlashqan bügünki guwahliq yighinida irwin kotlér bilen bir qatarda yene gérmna'iyelik Uyghurshunas adriyan zénz, kanadaliq zhurnalist oxsi yaziji, xelq'ara kechürüm teshkilati kanada shöbisining mes'uli alikis newi, kanadada turushluq Uyghur pa'aliyetchi memet toxti, shwétsiyede yashawatqan qazaq lagér shahiti sayragül sa'utbay, amérikadiki Uyghur adwokat reyhan eset qatarliq kishiler guwahliq bérip, nöwettiki Uyghur weziyitini her xil nuqtilardin tonushturdi.

Toluq bet