Kanada bash ministiri Uyghurlar mesiliside xitayning tehditlirige tiz pükmeydighanliqini bildürgen

Muxbirimiz erkin
2020-10-16
Share

Kanada bash ministiri jastin térudo 16-öktebir yene Uyghur mesilisini tilgha élip, xitayning "Zorlash diplomatiyesi" we uning xongkong hem shinjangdiki kishilik hoquq depsendichiliklirige dawamliq qarshi turidighanliqini bildürgen. Térudo bu sözlerni xitayning kanadada turushluq elchisi song péywu 15-öktebir widéyoda axbarat yighini ötküzüp, kanada parlamént ezalirini xitayning Uyghurlargha tutqan mu'amilisini "Irqiy qirghinchliq" dep étirap qilishtin éhtiyat qilishqa agahlandurghandin kéyin qilghan.

Song péywu axbarat yighinida "Bizning menpe'etimizge, bolupmu yadroluq menpe'etimizge ziyan yerküzüdighan herqandaq heriket küchlük inkasqa uchraydu" dégen. U yene xitayning "Qet'iy tedbir qollinip, özining igilik hoquqi, dölet bixeterliki we tereqqiyat hoquqini qoghdaydighanliqi" ni ilgiri sürgen. Lékin u eger kanada xitayning Uyghurlargha tutqan mu'amilisini "Irqiy qirghinchiliq" dep étirap qilsa, qandaq tedbir qollinidighanliqini tilgha almighan.

Yéqinda kanada parlaméntining 9 neper ezasi telepname sunup, xitayning Uyghurlargha tutqan mu'amilisini "Irqiy qirghinchliq" dep étirap qilishni telep qilghan idi. Roytérs agéntliqining xewer qilishiche, jastin térudo 16-öktebir chaqirghan axbarat yighinida mundaq dégen: "Biz dunyaning her qaysi jayliridiki kishilik hoquq üchün éniq we yuqiri awazda tik turimiz. Meyli bu Uyghurlar duch kéliwatqan weziyet bolsun, meyli xokong weziyiti bolsun yaki bu xitayning 'zorlash diplomatiyesi' bolsun."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet