Yüzligen amma kanadaning wankowér shehride namayish qilip, xitayning Uyghurlarni yoqitishigha naraziliq bildürdi

Muxbirimiz erkin
2020-10-19
Share

18-Öktebir küni yüzligen amma kanadaning wankowér shehride namayish qilip, xitayning Uyghurlargha tutqan wehshi mu'amilisige narazliq bildürgen. Qolida "3 Milyon Uyghur tutqun lagérliridin qoyup bérilsun", "Xitayni bayqut qilayli" dégen lozunkilarni kötürgen namayishchilar wankuwér sen'et körgezmisining aldida toplunup, bu yerdin xitay konsulxanisigha yürüsh qilghan. "Hindistan blumiz" namliq tor gézitining xewer qilishiche, bu namayish wankowérdiki "Kanada-hindistan dostliri" teshkilatining bashchiliqida tibet, démokratik xitay we Uyghur jem'iyetliri we jama'etliri teripidin uyushturulghaniken.

Bu mezkur teshkilatlarning yéqinqi bir ay ichide wankowérda xitaygha qarshi 2-qétim bu xil namayishni uyushturushidur. Namayishchilar xitay konsulxanisining aldida uning 3 milyondek Uyghurni lagérlargha qamighanliqini eyipligen. "Kanada-hindistan dostliri" teshkilatining mesuli manindér gil sözide xitayning axbarat erkinliki, söz erkinliki we yighilish erkinlikige tehdit séliwatqanliqini bildürüp, "Xitayning mesuliyetsiz we diktatorluq qilmishi" ni qattiq tenqid qilghan.

Bu namayish kanada bash ministiri jastin térudo ötken hepte xitayning kishilik hoquq mesililiridiki tehdit we "Mejburlash diplomatiyesi" ge téz pükmeydighanliqini tekitlep arqidinla ötküzülgen. Térudo sozide kanadaning Uyghur we xongkong mesililirini dawamliq tilgha alidighanliqini bildürgen. "Kanada-hindistan dostliri" teshkilati ötken aydimu xitayning wankowérdiki konsulxanisi aldida namayish ötküzüp, xitayning kishilik hoquq xatirisi we uning xongkogn namayishchilirini basturghanliqini, hindistan'gha tehdit séliwatqnaliqini eyibligenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.