Канада өктичи партийәсиниң рәһбири һоқуқ тутса хитайниң мәҗбурий әмгәк мәһсулатлирини чәкләйдиғанлиқини билдүргән

Мухбиримиз әркин
2020-11-20
Share

Канададики әң чоң өктичи партийә-консериватиплар партийәсиниң рәһбири ерин отол, әгәр сайламда ғәлибә қилип қалса хитайға қаттиқ қол болидиғанлиқи, америкаға охшаш хитайниң уйғур мәҗбурий әмгәк мәһсулатлирини чәкләйдиғанлиқини билдүргән. Ройтерс агәнтлиқиниң 20-ноябир хәвәр қилишичә, ерин отол мухбирларниң зияритини қобул қилғанда теридо һөкүмитини тәнқидләп, "теридо һөкүмити сайланғандин бери хитайға қәдәмму-қәдәм йол қоюп вә саддилиқ қилип кәлди" дегән.

Униң тәкитлишичә, у сайлинип қалса теридо һөкүмитидәк "пәқәт сода үчүн канаданиң бихәтәрлик мәнпәәти, қиммәт қариши вә иттипақдашлирини қурбан қилмайдикән". У йәнә хитайниң уйғур мәҗбурий әмгәк мәһсулати һәққидә тохтилип, буниңда өзиниң американи үлгә алидиғанлиқини билдүргән. У, бундақ сиясәт мәҗбурий әмгәк күчлирини иштиливатқан орунларға қәдәр тәкшүрүш елип беришни тәләп қилидиғанлиқи, "канадалиқларниң бундақ әмгәк шараитида ишләпчиқирилған мәһсулатларни сетивелишни халайду, дәп қаримайдиғанлиқи" ни билдүргән.

Лекин ройтерсниң билдүрүшичә, баш министир теридо 19-ноябир асия-тинч иқтисадий һәмкарлиқ тәшкилатиниң йиллиқ йиғини мунасивити билән өткүзүлгән бир тор йиғинида сөз қилип, дөләтләрниң "кишилик һоқуқ мәсилисидә мәйли у хоңкоң яки уйғур вәзийитигә алақидақ болсун бесим ишлитиши керәклики" ни тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт