Kanada öktichi partiyesining rehbiri hoquq tutsa xitayning mejburiy emgek mehsulatlirini chekleydighanliqini bildürgen

Kanadadiki eng chong öktichi partiye-konsériwatiplar partiyesining rehbiri érin otol, eger saylamda ghelibe qilip qalsa xitaygha qattiq qol bolidighanliqi, amérikagha oxshash xitayning Uyghur mejburiy emgek mehsulatlirini chekleydighanliqini bildürgen. Roytérs agentliqining 20-noyabir xewer qilishiche, érin otol muxbirlarning ziyaritini qobul qilghanda térido hökümitini tenqidlep, "Térido hökümiti saylan'ghandin béri xitaygha qedemmu-qedem yol qoyup we saddiliq qilip keldi" dégen.

Uning tekitlishiche, u saylinip qalsa térido hökümitidek "Peqet soda üchün kanadaning bixeterlik menpe'eti, qimmet qarishi we ittipaqdashlirini qurban qilmaydiken". U yene xitayning Uyghur mejburiy emgek mehsulati heqqide toxtilip, buningda özining amérikani ülge alidighanliqini bildürgen. U, bundaq siyaset mejburiy emgek küchlirini ishtiliwatqan orunlargha qeder tekshürüsh élip bérishni telep qilidighanliqi, "Kanadaliqlarning bundaq emgek shara'itida ishlepchiqirilghan mehsulatlarni sétiwélishni xalaydu, dep qarimaydighanliqi" ni bildürgen.

Lékin roytérsning bildürüshiche, bash ministir térido 19-noyabir asiya-tinch iqtisadiy hemkarliq teshkilatining yilliq yighini munasiwiti bilen ötküzülgen bir tor yighinida söz qilip, döletlerning "Kishilik hoquq mesiliside meyli u xongkong yaki Uyghur weziyitige alaqidaq bolsun bésim ishlitishi kérekliki" ni tekitligen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar