Xitayning kanadadiki singip kirish herikiti diqqet qozghimaqta

Muxbirimiz eziz
2021-06-01
Share

Xitay hökümitining nöwette iqtisadiy kozir arqiliq kanada teweside singip kirishni jiddiyleshtürüshi yéngi basquchqa kötürülüwatqan bolup, yéqindin buyan Uyghur we tibet pa'aliyetchilerning parakendichilikke uchrawatqanliqi köplep melum bolushqa bashlidi.

"Yer shari we pochta" gézitining 31-maydiki bash maqaliside körsitilishiche, xongkong démokratchilirining ammiwi teshkilatliridin bolghan "Kanada-xongkong ittipaqi" yéqinda teyyarlighan doklatta "Kanadadiki bir qisim pa'aliyetchiler xitay kompartiyesining 'siyasiy artistliri' we xitay milletchilirining biwasite yaki wasitilik hujumlirigha uchrawatidu. Bu hujumlarning arqisida xitay kompartiyesining qoli mewjut" déyilidu.

Doklatta körsitilishiche, xitayning birliksep tarmaqlirigha qarashliq shexslerning qomandanliqida kanada tewe'iside xitay hökümitige qarshi türlük pa'aliyetler, jümlidin Uyghurlar we tibetlerning yighilishliri, nutuq sözlesh pa'aliyetliri herqachan xitay hökümiti "Perde arqisidin bashquruwatqan" kishilerning tehditliri yaki parakendichilikige uchrighan.

Buningda alahide diqqet qozghaydighan bir nuqta xitay hökümitining iqtisadiy yardimige "Mohtaj" boluwatqan bir qisim aliy mekteplerning özlirimu tuymighan halda xitayning singip kirish pa'aliyitige sorun hazirlap bérish bolmaqta iken. "Xewerler" torida élan qilin'ghan bu heqtiki maqalida kanada aliy mekteplirining mushu ehwali keskin tenqidlinip "Aliy mekteplerning xitaydin iqtisadiy yardemge érishishi emeliyette milyonlighan Uyghurni qirghin qiliwatqan bir hakimiyetke shérik bolghanliqqa barawer" déyilidu. Shuningdek kanada aliy mekteplirining xitay pen-téxnika shirketliri bilen bolghan hemkarliqining aqiwette irqiy qirghinchiliqqa wasitilik halda yardem bérish bolup qalidighanliqi alahide tekitlinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet