Уйғур дияридики кархана вә кәспий орунлар ичкири өлкиләрдин адәм қобул қилидикән

Мухбиримиз үмидвар
2016-08-11
Share


Уйғур  дияридики яш әмгәк күчлири " ешинча әмгәк күчи" қатарида ичкири өлкиләргә ишләмчиликкә әвәтиливатқан бир шараит астида, уйғур елидики кархана вә кәспий орунлар болса ичкири өлкиләрдин хизмәтчи қобул қилидикән.

Тәңритағ торида берилгән хәвәрдин мәлум болушичә, уйғур  дияридики кархана вә кәспий орунлар 10-айниң оттурлирида бейҗиң, шаңхәй, вухән вә ләнҗу қатарлиқ җайлардики нуқтилиқ алий мәктәпләргә берип, мәхсус хадим қобул қилиш паалийити елип баридикән.

Мәзкур хәвәр чәтәлләрдики уйғур күзәткүчиләрниң диққитини қозғиди. Америка уйғур бирләшмиси рәиси елшат һәсән әпәнди хитай өлкилири "уйғур елигә ярдәм бериш" нами астида қурған карханиларни йәрликләргә иш имканийити яритиду, дәп тәшвиқ қилған болсиму, әмәлийәттә буниң уйғур елигә техиму көп хитай көчмән йөткәшкә вастә болғанлиқини билдүрди.

Техи йеқинда, хитайниң бейҗиң, шәндуң, хенән, әнхуй қатарлиқ өлкә, шәһәрлиридин кәлгән җәмий 1800 нәпәр алий мәктәп оқуғучисиниң уйғур  районидики һәрқайси вилайәтләргә арзуси бойичә хизмәткә тәқсим қилинғанлиқи хәвәр қилинған иди.

Хәлқара кишилик һоқуқ органлири болса хитай һөкүмитини уйғур  дияриға хитай көчмән йөткәш сияситини тохтитип, йәрликләрни пурсәттин тәң бәһриман қилишқа чақирип кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт