Uyghur diyaridiki karxana we kespiy orunlar ichkiri ölkilerdin adem qobul qilidiken

Muxbirimiz ümidwar
2016-08-11
Share


Uyghur  diyaridiki yash emgek küchliri " Éshincha emgek küchi" qatarida ichkiri ölkilerge ishlemchilikke ewetiliwatqan bir shara'it astida, Uyghur élidiki karxana we kespiy orunlar bolsa ichkiri ölkilerdin xizmetchi qobul qilidiken.

Tengritagh torida bérilgen xewerdin melum bolushiche, Uyghur  diyaridiki karxana we kespiy orunlar 10-ayning otturlirida béyjing, shangxey, wuxen we lenju qatarliq jaylardiki nuqtiliq aliy mekteplerge bérip, mexsus xadim qobul qilish pa'aliyiti élip baridiken.

Mezkur xewer chet'ellerdiki Uyghur küzetküchilerning diqqitini qozghidi. Amérika Uyghur birleshmisi re'isi élshat hesen ependi xitay ölkiliri "Uyghur élige yardem bérish" nami astida qurghan karxanilarni yerliklerge ish imkaniyiti yaritidu, dep teshwiq qilghan bolsimu, emeliyette buning Uyghur élige téximu köp xitay köchmen yötkeshke waste bolghanliqini bildürdi.

Téxi yéqinda, xitayning béyjing, shendung, xénen, enxuy qatarliq ölke, sheherliridin kelgen jem'iy 1800 neper aliy mektep oqughuchisining Uyghur  rayonidiki herqaysi wilayetlerge arzusi boyiche xizmetke teqsim qilin'ghanliqi xewer qilin'ghan idi.

Xelq'ara kishilik hoquq organliri bolsa xitay hökümitini Uyghur  diyarigha xitay köchmen yötkesh siyasitini toxtitip, yerliklerni pursettin teng behriman qilishqa chaqirip kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet