Xelq'ara kechürüm teshkilat dunyani xitayning tenterbiye arqiliq özining qilmishini aqlishigha yol qoymasliqqa chaqirdi

Muxbirimiz erkin
2022-01-14
Share

Xelq'ara kechürüm teshkilati 14-yanwar bayanat élan qilip, dunyaning béyjing qishliq olimpikidin paydilinip xitayning kishilik hoquqni yaxshilishini telep qilishqa, uning tenterbiye arqiliq qilmishini aqlishigha yol qoymasliqqa chaqirghan. Bayanatta, 4-féwral bashlinidighan béyjing qishliq olimpikining bu dölette sansizlighan kishilik hoquq depsendichiliki yüz bériwatqan bir ehwalda ötküzülidighanliqi, dunyaning bu pursettin paydilinip xitaygha bésim ishlitishi kérekliki tekitlen'gen.

Xitay hökümiti Uyghurlargha “Irqiy qirghinchiliq” qilish bilen eyibliniwatqan bir waqitta ötküzülidighan bu olimpik bezi gherb parlaméntliri, hökümetliri we kishilik hoquq teshkilatlirining qarshiliqigha uchrighan. Ular qishliq olimpikni bashqa döletke yötkesh yaki kéchiktürüshni telep qilghan, bezi hökümetler diplomatik bayqut élan qilghan bolsimu, biraq xelq'ara olimpik komitéti bu teleplerni ret qilghanidi. Xelq'ara kechürüm teshkilatining éytishiche, xelq'ara olimpik komitéti tenheriketchilerning hoquqinimu qoghdishi kérek iken.

Bayanatta mezkur teshkilatning xitay ishliri tetqiqatchisi alkan akad: “Béyjing olimpik musabiqisining untulghusiz tenheriket oyuni bolidighanliqigha wede bérildi. Emma közitiwatqan dunya xitayning bashqa jaylirida yüz bergen ishlarni qesten nezerdin saqit qilalmaydu. Adwokatlar we pa'aliyetchiler özlirining tinch herikiti seweblik türmige tashlandi. Jinsiy tajawuzchiliqqa uchrighanlar söz qilghanliqi üchün jazalandi. Her yili minglighan kishige ‍ölüm jazasi ijra qilinidighanliqi hésablanmaqta. Musulman milletler sistémiliq keng kölemde tutqun'gha, qiyin-qistaq we jazalashqa uchrimaqta” dégen. Uning éytishiche, olimpik diqqetni xitayning qorqunchluq kishilik hoquq xatirisidin bashqa yaqqa burashqa ishlitilmesliki kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet