Xelq'ara kechürüm teshkilati: Uyghurlargha ziyankeshlik qilish dawamlashmaqta

Muxbirimiz jewlan
2022-03-29
Share

Xelq'ara kechürüm teshkilati 29-mart küni 2021- we 2022-yilliq dunya kishilik hoquq ehwalidin doklat élan qilghan bolup, uningda xitaydiki kishilik hoquq depsendichilikining barghanséri éghirliship kétiwatqanliqi, bolupmu Uyghur rayonidiki xelqning atalmish “Qayta terbiyelesh orunliri” da dawamliq ziyankeshlikke uchrawatqanliqi, siyasiy zulum, jismaniy qiynash, Uyghur tili we medeniyitini yoqitish herikitining küchiyip bériwatqanliqi heqqide signal bérilgen.

Xelq'ara kechürüm teshkilatining bu doklatigha munasiwetlik xewerlerdin melum bolushiche, mezkur teshkilat 2019-yildin 10-aydin 2021-yil 5-ayghiche, xitay hökümitining xalighanche adem tutush, xalighanche qiynash, xalighanche öltürüsh qatarliq jinayetlerni sadir qilghanliqigha da'ir nurghun pakitlarni toplighan bolup, bular xitayning insaniyetke ziyankeshlik qilish jinayiti ötküzgenlikini ispatlap béridiken.

Xelq'ara kechürüm teshkilati yene Uyghur rayonida tutqun qilin'ghanlarning bashqa jaygha yötkelgenliki, bir qétim tutulghanlarning qayta tutulghanliqi, nurghun a'ililerde az dégende bir yaki bir nechche kishining iz-déreksiz yoqilip ketkenliki heqqide ispatlar toplighan.

Xelq'ara kechürüm teshkilati xitay hökümitining yillardin buyan milyonlarche Uyghurni türme we lagérlargha solap qiynap, chonglardin tartip balilarghiche xitay éngi, partiye éngini mejburiy singdürüshke urunuwatqanliqini, emeliyette xitayning keng-kölemde irqiy, diniy we medeniy qirghinchiliq yürgüzüp kéliwatqanliqi, shundaqla bu jinayetlerni bar küchi bilen yoshurup, Uyghur rayonida musteqil tekshürüsh élip bérishqa yol qoymaywatqanliqini eyiblep kelgenidi.

Xelq'ara kechürüm teshkilati 8-mart küni öz tor bétide axbarat élan qilip, mezkur teshkilatning bashqa 200 nechche teshkilat-organ bilen birliship, b d t kishilik hoquq aliy komissari mishél bachélétning xitay hökümitining Uyghur rayonida insaniyetke qarshi jinayet ötküzgenliki heqqidiki doklatini derhal élan qilishni telep qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet