Xelq'ara kechürüm teshkilati ghuljadiki 55 kishi üstidin échilghan sotni eyiblidi

Muxbirimiz irade
2014-05-29
Élxet
Pikir
Share
Print

Bügün xelq'ara kechürüm teshkilati bayanat élan qilip, ghuljadiki 55 kishi üstidin échilghan ochuq meydan sotini qattiq eyiblidi.

Ghulja da'iriliri seyshenbe küni 55 neper kishini "Bölgünchilik", "Térrorluq" qatarliq jinayetler bilen eyiblep, ularni 7000 kishilik meydanda sazayi qilip turup höküm élan qilghan idi.

Xelq'ara kechürüm teshkilati bayanatida, ghuljida échilghan bu sotni "Qebih" dep atidi we adil bolmighan bundaq sotlash usulining peqet weziyetni téximu ötkürleshtürüsh üchünla xizmet qilidighanliqini eskertti.

Xelq'ara kechürüm teshkilatining xitay ishliri tetqiqatchisi willyam ni bayanatta bu kishilerning qéyin-qistaqqa élinish xewpi ichide turuwatqanliqini bildürdi. U, Uyghur éli partkom sékrétari jang chünshyenning yéqinda "Jinayet gumandarliri qattiq jazalinishi kérek" dégenlikini eskertip "Bundaq bir bimenilik xitay hökümitining gumandarlarni adil sotlaydighanliqigha qarita küchlük guman peyda qilidu" dédi.

Xitay hökümiti 22-may ürümchi etigenlik bazar hujumidin kéyin derhal bir yilliq qattiq zerbe bérish herikiti qozghap, keng kölemlik tutqunni bashliwetken. Xitay herbiy qisimliri ürümchide térrorluqqa qarshi manéwir ötküzüp, barliq herbiy esliheler we qoralliq qisimlar bilen küch körsetken idi. Xelq'ara kechürüm teshkilati bolsa bayanatida "Xitay hökümitining wezipisi jem'iyet bixeterlikige kapaletlik qilishtur. Emma uning hazir qiliwatqini peqetla yagh üstige ot chéchishtin ibaret" dep agahlandurdi.

Toluq bet