Xelq'ara kechürüm teshkilati b d t yighinida lagérlar mesilisini otturigha qoydi

Muxbirimiz shöhret hoshur
2018.09.19

Birleshken döletler teshkilati kishilik hoquq kéngishining 39‏-qétimliq yighinigha qatnishiwatqan xelq'ara kechürüm teshkilatining wekilliri tünügün, yeni18-séntebir küni bayanat élan qilip, xitay hökümitini musteqil tekshürgüchilerning Uyghur rayonida tekshürüsh élip bérishigha ishikini échishqa dewet qilghan.

Xelq'ara kechürüm teshkilati xitayning Uyghur aptonom rayonidiki Uyghur we qazaq musulmanlirigha qarita élip bériliwatqan teqiblesh, qara-qoyuq tutqun qilish we mejburiy idiye singdürüshlerdin qattiq endishe qiliwatqanliqi bildürülgen bayanatta xitayning mexpiy we resmiyetsiz shekilde bir milyonche kishini “Terbiyelep özgertish” namida tutqun qilghanliqi otturigha qoyulghan.

Bayanatta yene bu lagérlarning birqanche xil insaniy heq-hoquqlarning depsende qilinishigha yol achqanliqi eskertilgen. Bayanatta yene b d t kishilik hoquq kéngishiningmu Uyghur diyaridiki lagérlargha qarita tekshürüsh élip bérish üchün heriketke ötüshi chaqirilghan.

Xelq'ara kechürüm teshkilatining tor bétide élan qilin'ghan bu bayanatta Uyghur mesilisidin bashqa yene misir, nikaraguwa, wénsu'iladiki kishilik hoquq mesilisimu tilgha élin'ghan.

Xelq'ara kechürüm teshkilati1961-yili en'gliyede qurulghan bolup, u birleshken döletler teshkilatida közetküchilik salahiyitige ige bolghan dunyadiki nopuzluq xelq'araliq teshkilatlarning biridur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.