Мухбир нейсин вандерклеп “хәлқара кәчүрүм тәшкилати” ниң мукапатиға еришти

Мухбиримиз әзиз
2018-12-18
Share

Канададики “йәршари вә почта” гезитиниң мухбири нейсен вандерклеп “хәлқара кәчүрүм тәшкилати канада шөбиси” ниң 2018-йиллиқ мукапатиға еришти.

Мәзкур гезитниң 17-декабирдики хәвиридә ейтилишичә, нейсин вандерклеп изчил хитай һөкүмити зор күч билән кеңәйтиватқан “йиғивелиш лагерлири” һәққидә мунасивәтлик хәвәрләрни ишләп ғәрб дунясини алақидар әһваллардин хәвәрдар қилип келиватқанларниң бири икән.

“хәлқара кәчүрүм тәшкилати канада шөбиси” ниң бу мукапат һәққидики баянатида “тәрбийәләш мәркәзлири заманимиздики әң номуссиз, шундақла зор көләмлик болған инсан һәқлири дәпсәндичилики” дәп көрситилиду. Мәзкур мукапатни баһалаш комитетиниң әзалиридин бил шиллер бу һәқтә сөз қилип: “хитай һөкүмитиниң дүшмәнликкә толған назарәт муһитида туруп бу хилдики әһваллар һәққидә хәвәр йезиш ғайәт зор пидакарлиқ вә шиҗаәт тәләп қилиду. Нейсен буларниң һәр иккилисини толуқ намаян қилди” дегән.

Мәлум болушичә, нейсин вандерклеп уйғур дияридики хизмәт паалийити җәрянида көп қетим хитай сақчилириниң паракәндә қилишиға, һәтта сақчиханиға елип берип сорақ қилишиға дуч кәлгән болсиму, изчил уйғур җәмийити дуч келиватқан түрлүк кризислар һәққидә хәвәр вә обзор мақалилири йезип кәлмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт