Ildiko béller-xanning Uyghur tetqiqatigha béghishlan'ghan yéngi kitabi-"Kélishtürme kimlik" yéqinda gérmaniyede yoruq körgen

Muxbirimiz qutlan
2017-02-12
Share

Uyghur mesilisining xelq'aralishishigha egiship, chet'ellerde Uyghurlarning tarix, medeniyet, jem'iyet we étnografik ehwallirigha béghishlan'ghan ilmiy tetqiqat netijiliri künsayin köpeymekte.

Tetqiqatchi ildiko béller-xanning yéqinda gérmaniyede yoruq körgen yéngi kitabi-"Kélishtürme kimlik" del shuning jümlisidindur.

"Uyghur jem'iyitide 1990-yillardiki ish, étiqad, jins we ene'enining yötkilishi" dep qoshumche mawzu qoyulghan bu zor ilmiy emgekte Uyghur diyari bilen qazaqistandiki Uyghur jama'itining 1990-yillardiki ijtima'iy medeniyiti we eqide özgirishliri parallél halette yorutulghan.

10 Babtin teshkil tapqan bu ilmiy emgek gérmaniyening xallé shehirige jaylashqan maks-plank ijtima'iy insanshunasliq inistituti yawro-asiya insanshunasliqi tetqiqatining 31-tomi süpitide neshir qilin'ghan.

Doktor ildiko béller-xan kopénxagén uniwérsitétining dotsénti bolup, 1990-yillardin buyan uning Uyghur tetqiqatigha béghishlan'ghan birqanche parche kitabi bilen nechche onlighan ilmiy maqaliliri oqurmenler bilen yüz körüshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet