Kéngesh palata ezasi kori gardnér xitayning kishilik hoquq depsendichilikini küchlük eyiblidi

Muxbirimiz nur'iman
2020-07-22
Share

22-Iyul küni, amérika kéngesh palata ezasi, kéngesh palatasining sherqiy asiya, tinch okyan we xelq'ara tor bixeterlik siyasiti komitétining re'isi kori gardnér amérika kéngesh palatasining tashqi munasiwetler komitétining guwahliq yighinida xitay kompartiyesining Uyghur musulmanlirigha qaritilghan kishilik hoquq depsendichiliki heqqide alahide toxtaldi we küchlük tenqid qildi.

Guwahliq yighinida 2018-yili imzalan'ghan asiyani kapaletke ige qilish qanuni (Asia Reassurance Initiative Act)ni xitayning yaman gherezlik herikitini tosush we dunyadiki kishilik hoquqni qoghdash üchün qollinish muzakire qilindi.

Kori gardnér: "Xitayning Uyghur aptonom rayonidiki Uyghur musulmanlirini jaza lagérlirigha solishi wijdanimizni zil-zilige sélishi, amérika we xelq'ara jem'iyetning küchlük inkasini qozghishi kérek idi" dep tekitlidi.

Bu yil iyunda amérika prézidénti donald tramp Uyghur kishilik hoquq qanun layihesige imza qoyup, resmiy qanun'gha aylandurghanidi. Kéngesh palata ezasi kori gardnér mushu qanun layihesini küchlük qollighan we xitay emeldarlirigha jaza yürgüzüshni telep qilghanlarning biri idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet