Кенийидә қара тәнлик херидарларни қобул қилмиған бир хитай ашханиси наразилиқ пәйда қилди

Мухбиримиз ирадә
2015-03-25
Елхәт
Пикир
Share
Принт


Африқа дөлити кенийидә ашхана ачқан бир хитай хоҗайин ашханисиға африқилиқ херидарларни алмиғандин кейин вәқә қаттиқ инкас қозғиған. Фирансийә агентлиқиниң хәвәр қилишичә, африқа пайтәхти найробиға җайлашқан бу хитай ашханиси пәқәтла хитай херидарларни яки қара тәнлик болмиған башқа ерқтикиләрни қобул қилған, бирақ қара тәнлик херидарлар кәлсә униң йенида хитай һәмраһи болмиса ашханиға киргүзмигән. Ерқчилиқ түсини алған бу һәрикәт фейисбук вә тивиттер арқилиқ ашкарилинип, кәң инкас қозғиғандин кейин найроби даирилириниң диққитини қозғиған.

Найроби шәһәр башлиқи иванс кидеро елан қилған баянатида, бу ашханиниң рәсмийәтлири толуқ болмиғанлиқи үчүн вақитлиқ тақалғанлиқини, рәсмийәтлирини йеңилиған тәқдирдә қайта ечилидиғанлиқини ейтқан. Кенийидики күндилик гезит хәвиридә, бу ашхана хоҗайининиң ерқчи һәрикити сәвәбидин кенийә көчмәнләр идариси тәрипидин чақиртилғанлиқини хәвәр қилған. Униңда ейтилишичә, хитай хоҗайин өзини ақлап, ашханиси 2013 - йили буланған болғачқа, бундақ бир тәдбир алғанлиқини ейтқан.

Кенийидә чиқидиған «өлчәм гезити» болса шәһәр башлиқиниң сөзини нәқил қилип туруп «барлиқ тиҗарий орунлар, мулазимәт орунлири херидарларниң инсанлиқ ғоруриға һөрмәт қилған асаста, ерқ, рәң, җинс, дин вә қәбилә айримичилиқи қилмаслиққа капаләтлик қилиши керәк» дегән. Мәзкур вәқә хитай шеркәтлири вә улар билән келиватқан хитай көчмәнләрниң африқида барғансери көпийип кетиш вәқәсиниму йәнә бир қетим күн тәртипкә әкилип, қаттиқ җамаәт пикри пәйда қилған.

Пикирләр (0)
Share
Толуқ бәт