Uyghur rayonida 25 "Kichik gigant" karxanisi köpeygen

Muxbirimiz jewlan
2020-10-14
Share

Xitayche "Shinjang géziti" ning 14-öktebir xewer qilishiche, Uyghur rayonidiki karxanilarning 2020-yilliq "Kichik gigant" karxana bolup bahalinishining netijisi 10-öktebir élan qilin'ghan bolup, buninggha 25 karxana tallan'ghan؛ buning bilen Uyghur rayonidiki "Kichik gigant" karxanilarning sani 45 ke yetken.

Xewerde bildürülüshiche, "Kichik gigant" karxanilarning "Mexsuslashqan bolush, nepis bolush, alahide bolush, yéngi bolush" tek 4 ölchimi bolup, bazar ehwalini inchike közitidighan bolush, yéngiliq yaritish iqtidari küchlük bolush, mehsulatlirining bazarda igiligen nisbiti yuqiri bolush, halqiliq téxnikilarni igiligen bolush, süpet we ünüm jehette bashqa karxanilarning bashlamchisi bolush dégendek shertlerni orunlishi kérek iken. Uyghur rayonida 2019-yilning axirighiche bundaq ottura, kichik tiptiki karxanilar 378 ge yetken bolup, buning ichide "Kichik gigant" karxanilardin 20 si tallinip chiqqan.

Közetküchilerning qarishiche, xitay "Bir belwagh bir yol" pilanini yolgha qoyushta Uyghur rayonini muhim xam eshya we sana'et bazisi qilghan bolup, buninggha mas halda chong-kichik karxanilarni köplep qurghan؛ bu jeryanda ishlepchiqirishni kölemleshtürüsh, zawutlashturush bilen birge siyasiy basturushni teng élip bérip, Uyghurlarning iqtisadini weyran qilip, arqidin ularni zawut, karxanilarda qul qilip ishleshke mejburlighan. Xitayning Uyghur rayonidiki zawut, karxanilirining tereqqiy qilishini Uyghurlarning qan-terini sümürüsh bedilige kelgenlikidin ayrip qarighili bolmaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet