ئۇيغۇر ئېلىدا يولۇچىلارنىڭ كىملىك ئۇچۇرى يېزىلغان بېلەت ئارقىلىق يول يۈرۈش بەلگىلىمىسى يولغا قويۇلغان

مۇخبىرىمىز قۇتلان
2014-09-01
Share

جۇڭگو خەۋەرلەر تورىنىڭ ئۇچۇرىغا قارىغاندا، 1-سېنتەبىردىن باشلاپ ئۇيغۇر ئېلىدىكى ئۇزۇن يوللۇق قاتناش شىركەتلىرى يولۇچىلارنىڭ كىملىك ئۇچۇرى يېزىلغان بېلەت ئارقىلىق يول يۈرۈش بەلگىلىمىسىنى يولغا قويغان.

مەلۇم بولۇشىچە، مەزكۇر بەلگىلىمە 1-سېنتەبىردىن باشلاپ ئالدى بىلەن ئۇيغۇر ئېلىنىڭ مەركىزى ئۈرۈمچىدىكى ھەرقايسى ئۇزۇن يوللۇق ئاپتوبۇس باش بېكەتلىرىدە رەسمىي ئەمەلىيلەشكەن.

مۇخبىرلار ئۈرۈمچى خۇمدانلىق-نيەنزىگودىكى يولۇچىلار باش بېكىتىدە مىڭلىغان يولۇچىلارنىڭ ئۆچىرەتتە تۇرغانلىقىنى، بولۇپمۇ ئۇيغۇر يولۇچىلارنىڭ قوللىرىغا كىملىك، نوپۇس دەپتىرى، شوپۇرلۇق كىنىشكىسى قاتارلىق ئىسپات-كىنىشكىلارنى كۆتۈرۈپ بېلەت ئېلىۋاتقانلىقىنى كۆرگەن.

كۆزەتكۈچىلەر، ئۇيغۇر ئېلىدىكى ۋەزىيەتنىڭ جىددىيلىشىشىگە ئەگىشىپ دائىرىلەرنىڭ رايوندىكى قاتناش، ئاممىۋى پائالىيەت، ئاھالىلەرنىڭ نورمال خىزمەت ۋە كۈندىلىك تۇرمۇشىغا ئېغىر چەكلىمىلەرنى ئېلىپ كەلگەنلىكىنى تەكىتلىمەكتە.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.