Uyghur élida yoluchilarning kimlik uchuri yézilghan bélet arqiliq yol yürüsh belgilimisi yolgha qoyulghan
2014.09.01
Junggo xewerler torining uchurigha qarighanda, 1-séntebirdin bashlap Uyghur élidiki uzun yolluq qatnash shirketliri yoluchilarning kimlik uchuri yézilghan bélet arqiliq yol yürüsh belgilimisini yolgha qoyghan.
Melum bolushiche, mezkur belgilime 1-séntebirdin bashlap aldi bilen Uyghur élining merkizi ürümchidiki herqaysi uzun yolluq aptobus bash béketliride resmiy emeliyleshken.
Muxbirlar ürümchi xumdanliq-nyenzigodiki yoluchilar bash békitide minglighan yoluchilarning öchirette turghanliqini, bolupmu Uyghur yoluchilarning qollirigha kimlik, nopus deptiri, shopurluq kinishkisi qatarliq ispat-kinishkilarni kötürüp bélet éliwatqanliqini körgen.
Közetküchiler, Uyghur élidiki weziyetning jiddiylishishige egiship da'irilerning rayondiki qatnash, ammiwi pa'aliyet, ahalilerning normal xizmet we kündilik turmushigha éghir cheklimilerni élip kelgenlikini tekitlimekte.