B d t kishilik hoquq komissari ret hoquqini xata qollan'ghan xitay we rusiyeni qattiq eyiblidi

Muxbirimiz shöhret hoshur
2018-02-26
Élxet
Pikir
Share
Print

B d t kishilik hoquq komissari zeyd ra'ad elhüseyin bügün b d t kishilik hoquq yighinida qilghan sözide, b d t bixeterlik kéngishidiki ret qilish hoquqini xata qollinip kéliwatqan we bu seweblik nurghunlighan insanning ölümini keltürüp chiqiriwatqan xitay bilen rusiyeni qattiq tenqid qilghan.

Komissar sözide konkrét bir ret awazni tilgha almighan bolsimu, emma süriye we birmida ölüwatqan insanlarning ikkinchi jawabkari bixeterlik kéngishide ret awaz qollinip paji'ening kichiklishige tosalghu bolghan döletler ikenlikini eskertken.

Birleshme agéntliqning bügünki bu heqtiki xewiride bayan qilinishiche, komissar zeyd ra'ad el hüseyin firansiyening bixeterlik kéngishidiki ret hoquqini heqqaniy qollan'ghanliqi we yétekchilik rol oynighanliqini medhiyelesh bilen birlikte, rusiye, xitay qatarliq döletlerni tilgha élip, bu döletlerni ret hoquqini xata qollinishni toxtitishqa dewet qilghan.

Xewerlerde bayan qilinishiche, süriye we birmida qirghinchiliq bashlan'ghandin buyan b d t bixeterlik kéngishide paji'ening chongiyishining aldini élish toghruluq köp qétim qarar layihesi otturigha qoyulghan bolsimu, xitay we rusiyening ret awazi bilen qarar qobul qilinmay kéliwatqan we qatillar tégishlik jazagha tartilmay kéliwatqan idi. B d t kishilik hoquq komissarining bügünki bayanati b d t bixeterlik kéngishidiki jawabkar ezalargha qarita ashkara we qattiq bir tenqid dep qaralmaqta.

Toluq bet