Кишилик һоқуқни көзитиш тәшкилати йеңи зеландийә баш министирини лагерлар мәсилисини тилға елишқа чақирди

Мухбиримиз шөһрәт һошур
2019-03-29
Елхәт
Пикир
Share
Принт

Хәлқара хәвәрләрдин мәлум болушичә, йеңи зеландийә баш министири җакинда ардерн ханим 1‏-апрел күни хитайни зиярәт қилидикән. Бүгүн кишилик һоқуқни көзитиш тәшкилати бир баянат елан қилип, баш министир ардерн ханимни зиярәт давмида уйғур райондики лагерлар мәсилисини ашкара оттуриға қоюшқа дәвәт қилди.

Җакинда ханим йеқинда йеңи зеландийәдә йүз бәргән террорлуқ вәқәсигә қарита һәққаний мәйдани билән хәлқара җамаәт ичидә күчлүк алқишқа сазавәр болған иди.

Кишилик һоқуқни көзитиш тәшкилатиниң баянатида җакинда ханимниң мәзкур вәқәдә мусулманларниң һәқ-һоқуқини қоғдашта ойниған хәлқаравий башламчилиқ ролини хитайдики мусулманларниң кишилик һоқуқ мәсилисидиму давамлаштуруши керәклики тәкитләнди.

Уйғур районида бир милйондин артуқ түркий тиллиқ мусулманларниң тутқунда икәнлики әслитилгән мәзкур баянатта баш министир җакинда ханимдин хитай дөләт рәһбәрлиригә бу «сиясий қайта тәрбийә мәркәзлири» ни тақаш һәққидә ашкара гәп қилиш вә райондики кишилик һоқуқ дәпсәндичиликини тәкшүрүш үчүн мустәқил бир тәкшүрүш гурупписиниң районға киришигә йол ечиш тәләп қилинди.

Пикирләр (0)
Share
Толуқ бәт