Amérika tashqiy ishlar ministirliki 2021-yilliq kishilik hoquq doklatini élan qildi

Muxbirimiz eziz
2022.04.12
Share on WhatsApp
Share on WhatsApp

12-Aprél küni amérika tashqiy ishlar ministirliki 2021-yilliq kishilik hoquq doklatini élan qildi we bu munasiwet bilen mexsus muxbirlarni kütüwélish yighini chaqirdi.

Yighinda amérika tashqiy ishlar ministiri antoni bilinkén ependi bu yilliq doklatning élan qilin'ghanliqini jakarlash bilen birge, kishilik hoquqni himaye qilishning herwaqit amérika tashqiy siyasitining yadroluq mezmunliridin ikenlikini, kishilik hoquq we négizlik erkinlikni qoghdash bolsa izchil amérika üchün merkiziy témilardin ikenlikini tekitlidi. U sözide nuqtiliq qilip: “Her bir insanning qaysi dölet, qaysi din, qaysi jinsqa tewe bolushidin qet'iynezer, eng eqelliy bolghan kishilik hoquqtin behrimen bolush heqqi bar. Bu doklatta bu jehettiki mesililer pakitliq we adilliq asasida sherhilep bérildi,” dep körsetti.

Antoni bilinkén rusiye hökümitining ukra'inagha tajawuz qilishidek eng zor kishilik hoquq depsendichilikini eyiblesh bilen birge, xitay hökümitining Uyghurlarni qirghin qilishini keskin tenqidlidi. U bu heqte qilghan sözide: “Xitay hökümiti hazir shinjang rayonida Uyghurlarni asas qilghan halda musulmanlar ammisigha qarita qirghinchiliq we insaniyetke qarshi jinayetlerni sadir qilishni téxiche dawam qiliwatidu,” dédi. U yene xongkong, tibet we bashqa jaylardiki kishilik hoquq depsendichilikinimu tilgha aldi.

2021-Yilliq doklat bügündin bashlap torgha qoyulghan bolup, axbarat élan qilish yighinida muxbirlarning bu heqtiki so'allirigha jawab bérildi. Melum bolushiche, 2021-yilliq doklat amérika qanunliridiki telepler boyiche, 198 döletning kishilik hoquq sahesidiki omumiy ehwaligha tepsiliy qarap chiqidighan bolup, xitayning ehwali izchil eng nachar tizimlikte bolup kelmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet