En'gliye élan qilghan "2013-Yilliq kishilik hoquq doklati" xitayni narazi qildi

Muxbirimiz méhriban
2014-04-15
Élxet
Pikir
Share
Print

Xitay bayanatchisi xu'a chünying 15-aprél seyshenbe küni bayanat bérip, en'gliyening "2013-Yilliq kishilik hoquq doklati" da tilgha élin'ghan "Xitay hökümiti az sanliq milletlerning kishilik hoquqigha hörmet qilishi, chet'el axbarat wasitilirining tibetke kirishige ruxset qilishi kérek" dégen teshebbuslargha naraziliq bildürdi.

Xu'a chünying sözide "Doklattiki bu bayanlar junggoning siyasiy tüzülmisi heqqide jöyligenlik, junggoning kishilik hoquq ehwalini qopalliq bilen qarilighanliq" dégen ibarilerni qollandi. U bayanatida yene"En'gliye terepning bu qilmishi ikki döletning yuqiri derijilik rehberliri otturisida élip bérilidighan kishilik hoquq söhbitige paydisiz" dégen.

Melum bolushiche, xitay bilen en'gliye otturisida élip bérilmaqchi bolghan 2014-yilliq kishilik hoquq söhbiti esli 16-aprélgha békitilgen bolup, xitay terep 14-aprél öz aldigha qarar élip, 16-apirildiki kishilik hoquq söhbitini bikar qilghanliqini bildürgen. Yéqinda chaqirilghan xitay kishilik hoquq xatirisi heqqidiki b d t yighinida en'gliyening oynighan roli xitayning naraziliqini qozghighan idi.

Toluq bet