Xelq'ara teshkilatlar yawropa birlikini xitay bilen ötküzidighan insan heqliri söhbitini bikar qilishqa chaqirdi

Muxbirimiz shöhret hoshur
2017-06-19
Élxet
Pikir
Share
Print

Dunya kishilik hoquqni közitish teshkilati qatarliq közge körün'gen xelq'ara insan heqliri teshkilatliri bügün birleshme bayanat élan qilip, yawropa parlaméntini mushu ayning 23- we 24-künliri xitay bilen ötküzülmekchi bolghan insan heqliri söhbet yighinini bikar qilishqa chaqirdi.

Söhbet yighinining xitaydiki insan heqliri weziyitige choqum emeliy bir özgirish élip kélishi kérekliki, bundaq bolmighanda yawropa parlaméntining inawitige tesir yétidighanliqi ilgiri sürülgen bayanatta, nöwette échilish aldida turghan yighindin bundaq bir ümidni kütkini bolmaydighanliqi bayan qilin'ghan.

Bayanatta mezkur yighin'gha xitay tereptin kélidighan wekiller derijisining töwenliki tilgha élin'ghan. Insan heqlirini közitish teshkilatning xitay ishliri diréktori sopiye richardson yawropa parlaméntini ehmiyetsiz bir yighin'gha waqit israp qilishning ornigha ünümlük tedbirler üchün bash qaturushqa dewet qilghan. Xelq'ara kechürüm teshkilatining mes'ulliridin biri bolghan iwerna mikgowan, mushu xil ehmiyetsiz söhbetler sewebidin ikki terep aliy rehberliri arisidiki söhbetlerde xitaydiki insan heqliri mesilisining tilgha élinmaywatqanliqini eskertken.

Bu bayanatqa wakaletsiz milletler teshkilati, dunya Uyghur qurultiyi, tibet xelq'ara herikiti qatarliq teshkilatlarmu awaz qoshqan.

Toluq bet