Xitay da'iriliri ataqliq kishilik hoquq adwokati shu jiyungni qolgha aldi

Xitay saqchiliri seyshenbe küni ataqliq kishilik hoquq adwokati, béyjing uniwérsitéti liktori shu jiyungni “Ammiwi tertipke buzghunchiliq qilish” bilen eyiblep tutqun qilghan.

Kishilik hoquq teshkilatliri shü jiyungning qolgha élinishini tenqidlep, bu, shi jinping bu yil 3‏-ayda hakimiyetke olturghandin kéyin bashlighan yene bir siyasiy pa'aliyetchini basturush herikiti, dep körsetti.

Shu jiyung, bu yil 4‏-ayda xitay emeldarlirining mal-mülkini ashkarilashni telep qilip, qolgha élin'ghan kishilik hoquq pa'aliyetchilirini we siyasiy aktiplarni qollighan we ularni qoyup bérishni telep qilghan. Xitay kishilik hoquqni qoghdighuchilar jem'iyitining bildürüshiche, bu yil 3‏-aydin buyan az dégende 24 neper pa'aliyetchi tutqun qilin'ghan.

Xitay siyasiy pa'aliyetchilirining emeldarlarning mal-mülkini ashkara élan qilish chaqiriqi hökümetni bi'aram qilip kelgen. Amérika blomburg axbarat agéntliqi, ütken yili xitay dölet re'isi shi jinpingning a'ilisining 376 milyon dollar mal-mülki barliqini ashkarilighan. Nyu-york waqti géziti, sabiq xitay bash ministiri wén jybawning a'ilisining 2 milyard 700 milyon dollar mal-mülki barliqini élan qilghan idi.