Америка-хитай кишилик һоқуқ диалоги диққәт қозғиди

Мухбиримиз меһрибан
2013.07.30

18-Нөвәтлик америка-хитай кишилик һоқуқ диалоги 30-июл күни хитайниң кунмиң шәһиридә башланди. Икки күн давамлишидиған бу қетимқи сөһбәттә қандақ мәсилиләрниң оттуриға қоюлуши хәлқарадики кишилик һоқуқ тәшкилатлири вә мәтбуатларниң диққитини қозғимақта.

Америка дөләт ишлири министири баянатчиси җин псаки кишилик һоқуқ мәсилисиниң америкиниң ташқи сияситиниң муһим тәркиби икәнликини тәкитләп, бу қетимқи сөһбәттә хитай билән бу мәсилидә йәниму илгирилигән һалда музакирә елип бериш имканийити болушини үмид қилидиғанлиқини билдүрди. Б б с агентлиқиниң нәқил елип көрситишичә, америка һөкүмәт тәрәп бәргән баянатида йәнә 2009-йилдин буян шинҗаңдики уйғурлар билән хитайлар оттурисидики мунасивәтниң барғанчә җиддийлишип, қаршилиқ һәрикәтлириниң үзлүксиз көпәйгәнликини, тибәттә болса 120 гә йеқин тибәтликниң өзигә от қоюп қаршилиқ билдүрүватқанлиқини тилға алған.

Хәлқара кишилик һоқуқ көзитиш тәшкилатиниң хитай ишлири бөлүми мәсули сопия ричардсон бу қетимқи сөһбәт һәққидә тохтилип, “хитай һөкүмити әсли һәқиқий кишилик һоқуқ сөһбитини өз хәлқи билән елип бериши керәк иди, әмма һазир бу мәсилидә (хитай) һөкүмити өз сәмимийитини ипадилимиди,” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.