Tramp hökümiti magnitskiy qanuni arqiliq kishilik hoquq depsendichilirini jazalashqa chaqirildi

Muxbirimiz irade
2017-08-11
Élxet
Pikir
Share
Print

11-Awghust jüme küni, amérika kéngesh palata ezaliridin ben kardin we jon makkéyinler amérika prézidénti trampqa xet yézip, magnitskiy qanunini dunyaning herqandaq jayidiki kishilik hoquq depsende qilghuchilirini jazalaydighan bir qoral süpitide ishlitishni tekitlidi.

Magnitski qanuni herqaysi döletlerde kishilik hoquq depsendichiliki bilen shughullan'ghan, shuninggha yantayaq bolghan hem shundaqla chiriklikke chétilghan kishiler we ularning a'ile ezalirini amérikigha kirishtin cheklesh, amérikaning banka sistémilirini qollinishtin cheklesh, amérikigha kirse qanuniy jawabkarliqqa tartish, mal -mülkini tonglitish qatarliqlarni öz ichige alidighan qanun bolup, nöwette bu qanun boyiche qara tizimlikke élin'ghan 20 kishi bar iken.

Yuqiridiki kéngesh palata ezaliri tramp hökümitige bu 20 kishining tizimini sun'ghanliqini, hökümetning bu 20 kishi üstidin qarap chiqip, derhal uni qararlashturushni telep qilghan. Ular xétide eskertip "Amérika bu arqiliq kishilik hoquqni depsende qilghuchilarning we chiriklik qilghuchilarning öz döliti teripidin jazalanmighan teqdirdimu, özining jinayi jawabkarliqidin qéchip qutulalmaydighanliqini bildürüp qoyushi kérek" dégen.

Mezkur magnitskiy qanuni eslide 2012-rusiyediki chiriklikini éniqlash dawamida türmide qestke uchrap ölgen sérgiy magnitskining qatil-jinayetchilirini jazalash üchün amérika teripidin élan qilin'ghan bir perman idi. U kéyinki yillarda resmiy qanun bolup élan qilin'ghan we da'irisi kéngeytilgen idi.

Toluq bet