Birleshken döletler teshkilati kishilik hoquq kéngishide Uyghurlarning zor kölemlik tutup turulushigha da'ir bayanat élan qilindi

Muxbirimiz sada
2018-09-18
Élxet
Pikir
Share
Print

Bügün, yeni 18-séntebir küni birleshken döletler teshkilati kishilik hoquq kéngishining 39-qétimliq yighinida xitayning Uyghur diyarida yürgüzüwatqan sistémiliq basturush siyasiti we Uyghurlarni xalighanche tutup "Qayta terbiyelep özgertish lagéri" gha solighanliqi heqqidiki témigha orun bérildi.

Bu qétimliq yighinda awstriye, gérmaniye, en'gliye, kanada we finlandiye qatarliq döletler söz qilip, xitayning Uyghurlargha yürgüzüwatqan heddidin ashqan assimilyatsiye siyasitini eyiblep, bu xil lagérlarni taqashqa chaqirdi.

Gérmaniye wekili mundaq dédi: "Xitayning Uyghur we tibet qatarliq milletlerning heq heq-hoquqini depsende qilip, ularning erkinlikini boghushi ademni heqiqeten endishige salidu. Biz xitayni atalmish lagérlargha solan'ghan Uyghurlar we bashqa kishilik hoquqni qoghdighuchilarni derhal qoyup bérishke we lagérlarni derhal taqashqa chaqirimiz."

Uningdin bashqa yene en'gliye wekili mundaq dédi: "Xitayning texminen bir milyondek Uyghurni atalmish 'qayta terbiylep özgertish lagiri' da tutup turushi we ularning normal diniy pa'aliyitige tosqunluq qilishi bizning izchil diqqitimizni tartiwatqan mesililerning biri. Biz xitayni shu lagérlardiki tutqunlarni qoyup bérip, ularning normal hoquq menpe'etini yürgüzüshige kapaletlik qilishigha chaqirimiz."

Melum bolushiche, xitay izchil dunyagha bu lagérlarni idiyewi ashqunluq we térrorluqtin yuqumlan'ghan kishilerni "Dawalash" ni meqset qilghan bir terbiyelesh merkizi dep körsitip kelgen iken.

Toluq bet