Kishilik hoquq közitish orgini b d t yighinida xitayning Uyghur siyasitini tenqid qildi

Muxbirimiz erkin
2014-09-19
Élxet
Pikir
Share
Print

Kishilik hoquq közitish teshkilati b d t kishilik hoquq kéngishining yighinida xitayni tenqidlep, Uyghur ili weziyitining körünerlik yamanliship kétiwatqanliqini agahlandurdi we xitayning diniy cheklime hem atalmish térrorchilarni basturush usulidin endishe qiliwatqanliqini bildürdi, ilham toxtining sotlan'ghanliqini tenqid qildi.

Kishilik hoquq közitish teshkilatining wekili bu sözlerni 17‏-séntebir b d t ning jenwediki binasida ötküzülüwatqan kishilik hoquq kéngishining pesillik yighinida qildi.

Bu qétimqi yighin'gha d u q ni öz ichige alghan nurghun ammiwi teshkilatlar qatniship, pikir bildürgen idi. Yighinda kishilik hoquq közitish teshkilatining wekili, bu yil ramzanda Uyghurlar diniy erkinlik, medeniyet kimlikini ipadilesh, jümlidin saqal qoyush, yaghliq artish qatarliq qoshumche cheklimilerge uchridi, dédi.

Bu organ yene, xitayning 2014‏-yili zorawanliq hujumi élip barghan, dep eyibligen atalmish "Térrorchilar" ni jazalash usulidin endishe qiliwatqanliqini, bezi délolargha ölüm jazasi bérilgenlikini qeyt qilip, kishilik hoquq kéngishini xitay weziyitige diqqet qilishqa chaqirdi.

Toluq bet