Хитай даирилири уйғур йезилирида "көчмәс мүлүкни тизимлаш" һәрикити башлиған

Мухбиримиз ирадә
2021-01-07
Share

Хитай һөкүмити нөвәттә уйғур йезилирида "көчмәс мүлүкни тизимлаш, гуваһнамә тарқитиш хизмити" намида бир һәрикәт қозғап, уйғур йеза аһалилириниң мал-мүлүклирини тизимлашни башлиған.

"ақсу гезити" ниң бу һәқтики хәвиридин мәлум болушичә, ақсу вилайити һәрқайсий наһийә (шәһәр) ләрниң йеза (базар) лирида көчмәс мүлүкни тизимлаш понкити тәсис қилған. Вилайәт бойичә көчмәс мүлүкни тизимлап гуваһнамә тарқитиш хизмити тамамланған вә 385 миң 296 гуваһнамә тарқитилған.

Хәвәрдә хитай һөкүмити бу һәрикәтни "дөләткә вә хәлққә пайдилиқ чоң иш, деһқанларниң һоқуқини қоғдап, мал-мүлүк һоқуқини капаләткә игә қилиду," дәп тәриплигән. Бирақ чәт әлләрдики уйғур көзәткүчиләр буни уйғурларниң хусусий һоқуқлириға еғир дәриҗидә таҗавуз қилғанлиқ, дәп қаримақта.

"көчмәс мүлүк" адәттә наһайити кәң мәнини ипадиләйдиған бир аталғу болуп, у пәқәт йәр-земин вә өй-җай биләнла чәкләнмәйдикән. Көзәткүчиләр "хитай һөкүмитиниң бурунму уйғурларниң мал-мүлүклирини һәрхил баһаниләр билән тартивалғанлиқидәк тарихий пакитлардин йолға чиққанда, бу қетимлиқ көчмәс мүлүкни тизимлаш һәрикитини йәнә бир қетимлиқ бталан-тараҗниң тәйярлиқи болуши мумкин," дәп мөлчәрлимәктә.

Бу һәрикәтниң уйғур елиниң башқа вилайәт-областлиридиму бирдәк йүргүзүлүватқанлиқи мәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт