Xitay da'iriliri Uyghur yézilirida "Köchmes mülükni tizimlash" herikiti bashlighan

Muxbirimiz irade
2021-01-07
Share

Xitay hökümiti nöwette Uyghur yézilirida "Köchmes mülükni tizimlash, guwahname tarqitish xizmiti" namida bir heriket qozghap, Uyghur yéza ahalilirining mal-mülüklirini tizimlashni bashlighan.

"Aqsu géziti" ning bu heqtiki xewiridin melum bolushiche, aqsu wilayiti herqaysiy nahiye (sheher) lerning yéza (bazar) lirida köchmes mülükni tizimlash ponkiti tesis qilghan. Wilayet boyiche köchmes mülükni tizimlap guwahname tarqitish xizmiti tamamlan'ghan we 385 ming 296 guwahname tarqitilghan.

Xewerde xitay hökümiti bu heriketni "Döletke we xelqqe paydiliq chong ish, déhqanlarning hoquqini qoghdap, mal-mülük hoquqini kapaletke ige qilidu," dep teripligen. Biraq chet ellerdiki Uyghur közetküchiler buni Uyghurlarning xususiy hoquqlirigha éghir derijide tajawuz qilghanliq, dep qarimaqta.

"Köchmes mülük" adette nahayiti keng menini ipadileydighan bir atalghu bolup, u peqet yer-zémin we öy-jay bilenla cheklenmeydiken. Közetküchiler "Xitay hökümitining burunmu Uyghurlarning mal-mülüklirini herxil bahaniler bilen tartiwalghanliqidek tarixiy pakitlardin yolgha chiqqanda, bu qétimliq köchmes mülükni tizimlash herikitini yene bir qétimliq btalan-tarajning teyyarliqi bolushi mumkin," dep mölcherlimekte.

Bu heriketning Uyghur élining bashqa wilayet-oblastliridimu birdek yürgüzülüwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet