Xelq'ara köchmenler künide köchmenlerge adil mu'amile qilish telep qilindi

Muxbirimiz irade
2014-12-18
Élxet
Pikir
Share
Print


Bügün, 18 - dékabir xelq'ara köchmenler hoquqi küni. Birleshken döletler teshkilatining bügün élan qilghan bayanatidin melum bolushiche, 2014 - yili insanliq tarixida köchmenler sani eng köp bolghan bir yil bolup, dunya miqyasida öz dölitidin ayrilip bashqa bir dölette yashawatqan we ishlewatqan köchmen sani 232 milyon'gha yetken. Buning bilen birge, bu köchmenlerge qaritiliwatqan ékispilatatsiye we kemsitishmu kücheygen bir yil bolghan.

B d t kishilik hoquq aliy komissari zéyid hüseyin bügünki bayanatida, köchmenlerning kishilik hoquqi we ijtima'iy hoquqlirining kapaletke ige qilinishi, ularningmu bashqilar bilen oxshash mu'amile körüshi kéreklikini tekitligen we buning yéngi bir yildiki muhim xizmetlerning biri bolidighanliqini tekitligen.

Yéqinqi yillardin buyan xitay hökümitining Uyghur élidiki bésim siyasitining artishigha egiship, dunyaning oxshimighan jaylirigha köchüp bériwatqan Uyghurlarning sanimu éship barmaqta. Pasport qéyinchiliqi sewebidin qachaq yollar arqiliq chet'elge qachmaqchi bolghan nechche yüz Uyghur bolsa nöwette qanunsiz köchmen, dep taylandta tutup turulmaqta. Biraq kishilik hoquq komissari zéyid hüseyin bügünki sözide, qanunsiz köchmen dégen uqumning xataliqini, buning, bu kishilerning hoquqining depsende qilinishigha yol échip bermesliki kéreklikini agahlandurghan. U mundaq dégen : "Qanunsiz adem deydighan bir uqum yoq. Meyli qanunluq köchmen bolsun yaki qanunsiz köchmen bolsun, ularning hemmisining kishilik hoquqqa, adaletke we erkinlikke érishish we kishilik ghoruri bilen yashash hoquqi bar."

Toluq bet