Amérika 7‏-noyabir künini "Kommunizm qurbanlirining döletlik xatire küni" dep élan qildi

Muxbirimiz shöhret hoshur
2017-11-08
Élxet
Pikir
Share
Print

Amérika tünügün 7-noyabir künini "Kommunizm qurbanlirining döletlik xatire küni" qilip békitkenlikini élan qildi.

Aqsarayning tor bétide élan qilin'ghan bu heqtiki bayanatta, mezkur xatire künining sabiq sowét ittipaqni wujudqa chiqarghan öktebir inqilabining insaniyetke élip kelgen ziyanlirining 100 yilliqini eslesh munasiwiti bilen békitilgenliki eskertildi.

Mezkur bayanatta, "Öktebir inqilabning siyasiy pelsepisi erkinlik we insaniy qedir-qimmetni ret qilidu؛ shunga ötken 100 yil mabeynide mezkur inqilabning türtkisi bilen dunyagha kelgen diktator döletler dunyada 100 milyondin artuq ademning jénigha zamin bolghan," déyildi. Bayanatta yene amérika hökümitining kommunizmning tömür tapini astida hayatidin ayrilghanlar we hélihem bu tapan astida éziliwatqanlarni untumaydighanliqi bildürüldi.

Xewerlerdin melum bolushiche, bu tramp hökümitining kommunizmgha qarshi meydanini tunji qétim keskin tonda tekrarlishi emes. Donald tramp, bu yil b d t da qilghan sözide "Kommunizmdin ibaret bu berbat bolghan idé'ologiyege choqun'ghanlar dunyada zulum-zawalliqning dawamlishishigha hesse qoshidu," dégen. Aqsarayning mezkur xatire kün heqqidiki bayanati amérika prézidénti donald trampning xitay ziyariti harpisigha toghra keldi.

Toluq bet