Уйғур ели 4 чоң база арқилиқ көмүр енергийисини техиму ашурмақчи

Мухбиримиз ирадә
2014.03.27
Share on WhatsApp
Share on WhatsApp

Бу йил уйғур районлуқ һөкүмәт көмүр қезиш сүрити вә көмүрдин енергийә һасил қилиш миқдарини ашуруш үчүн қумул-турпан, җуңғар, или, куча-бай қатарлиқ җайларни 4 чоң база қилип бекиткән.

Шинхуа торида берилгән хәвәрдин қариғанда, хитай һөкүмити бу базиларда ишләпчиқирилған көмүр гази вә електр енергийиси арқилиқ қисқа муддәттә гәнсу өлкисини, оттура вә узун муддәтлик пилан бойичә хитайниң оттура қисимлиридики барлиқ өлкиләрни тәминләшни ишқа ашурмақчи икән.

Хитай һөкүмити 2013-йили хитайдики енергийә ширкәтлирини сәпәрвәр қилип, уйғур илида көмүрни газға айландуруп, туруба арқилиқ шәрқтики өлкиләргә йөткәш, уйғур елиниң көмүри арқилиқ хитай өлкилирини ток билән тәминләш қатарлиқ қурулушларни башлап, бу түрләргә җиддий мәбләғ селишқа башлиған. Көзәткүчиләр хитайниң көмүр запаслирини һәддидин зиядә ечип, енергийә вә ток һасил қилиш қурулушлириниң уйғур елида су йетишмәслик, су вә һаваниң булғиниши қатарлиқ муһит амиллирини кәлтүрүп чиқиридиғанлиқини, уйғур елиниң һазирқи екологийилик шараитиниң бу хил қурулушларға мувапиқ кәлмәйдиғанлиқини агаһландурған иди.

Әмма уйғур ели даирилири бу чақириқларға қаримай, юқиридики 4 чоң базиға зор дәриҗидә мәбләғ селип, ишләпчиқирилидиған көмүр миқдарини 400 милйон тоннидин ашуруп, 100 милярд кубметир көмүр гази вә 30 милйон ват ток ишләпчиқиришни мөлчәрлимәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт