Uyghur éli 4 chong baza arqiliq kömür énérgiyisini téximu ashurmaqchi

Muxbirimiz irade
2014-03-27
Share

Bu yil Uyghur rayonluq hökümet kömür qézish sür'iti we kömürdin énérgiye hasil qilish miqdarini ashurush üchün qumul-turpan, jungghar, ili, kucha-bay qatarliq jaylarni 4 chong baza qilip békitken.

Shinxu'a torida bérilgen xewerdin qarighanda, xitay hökümiti bu bazilarda ishlepchiqirilghan kömür gazi we éléktr énérgiyisi arqiliq qisqa muddette gensu ölkisini, ottura we uzun muddetlik pilan boyiche xitayning ottura qisimliridiki barliq ölkilerni teminleshni ishqa ashurmaqchi iken.

Xitay hökümiti 2013-yili xitaydiki énérgiye shirketlirini seperwer qilip, Uyghur ilida kömürni gazgha aylandurup, turuba arqiliq sherqtiki ölkilerge yötkesh, Uyghur élining kömüri arqiliq xitay ölkilirini tok bilen teminlesh qatarliq qurulushlarni bashlap, bu türlerge jiddiy meblegh sélishqa bashlighan. Közetküchiler xitayning kömür zapaslirini heddidin ziyade échip, énérgiye we tok hasil qilish qurulushlirining Uyghur élida su yétishmeslik, su we hawaning bulghinishi qatarliq muhit amillirini keltürüp chiqiridighanliqini, Uyghur élining hazirqi ékologiyilik shara'itining bu xil qurulushlargha muwapiq kelmeydighanliqini agahlandurghan idi.

Emma Uyghur éli da'iriliri bu chaqiriqlargha qarimay, yuqiridiki 4 chong bazigha zor derijide meblegh sélip, ishlepchiqirilidighan kömür miqdarini 400 milyon tonnidin ashurup, 100 milyard kubmétir kömür gazi we 30 milyon wat tok ishlepchiqirishni mölcherlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet