Ghuljidiki kömür kanlirining köplep qézilishi diqqet qozghimaqta

Muxbirimiz eziz
2018-06-21
Élxet
Pikir
Share
Print

Xitayning "Énérgiye ambiri" dep atiliwatqan Uyghurlar diyaridiki tebi'iy bayliqlarning qézilishi izchil her sahe kishilirining diqqitide bolup kéliwatqan ehwallarning biridur.

Yéqinda xitayning döletlik énérgiye idarisi ghulja kan rayonidiki 2-nomurluq üsti ochuq kömür kanni qézish qurulushini resmiy testiqlighan.

Roytérs agéntliqining 21-iyundiki xewirige qarighanda, mezkur kömür kanni qézish qurulushigha 3.1 Milyard somluq meblegh ajritilghan. Melum bolushiche uning 1-basquchluq qurulush kölimi yiligha töt milyon tonnidin bolidiken. Kan rayoni ghulja nahiyesi teweside bolup, qézilghan kömürlerni tallap bir terep qilish zawutimu birla waqitta ish bashlaydiken.

Emma alaqidar zatlar bu heqte pikir qilip, "Uyghurlar diyaridiki kömür bayliqining qézilishi bashqa tebi'iy bayliqlarning qézilishi hemde xitay ölkilirige toshup kétilginige oxshash yerlik Uyghurlargha héchqandaq iqtisadiy menpe'et élip kelmeydu. Bu jaygha qalidighini peqet bulghan'ghan muhittin bashqa nerse bolmaydu," dédi.

Melum bolushiche, Uyghur aptonom rayonining sabiq qorchaq re'is nur bekri 2014-yili re'isliktin ayrilip, döletlik énérgiye idarisining bashliqi bolup yötkelgen.

Toluq bet