Xitay hökümiti Uyghur ilide 56 künlük “Térrorchilar”ni iz qoghlash herikiti axirilashqanliqini bildürdi

Muxbirimiz erkin
2015.11.16

Xitay hökümiti 14‏-noyabir  Uyghur ilide bir térrorluq weqesige chétishliq hujumchilarni 56 kün dawam qilghan iz qoghlash herikiti ghelibilik axirilashqanliqini élan qildi.

Xitay j x ministirliqining axbaratida, hujumchilarning konkrét qaysi térrorluq weqesige chétishliq ikenlikige éniq chüshenche bermigen. Emma xitay we chet'el axbarati ularning bay nahiyesidiki soghan kömür kénigha hujum qilghan hujumchilar ikenlikini ilgiri sürdi.

Bu yil 18‏-noyabir yüz bergen weqede hujumchilar az dégende 50 tek xitay kan ishchisini öltürgen. Da'iriler hujumchilarni keng kölemlik tutush herikiti bashlighan.
Xitay j x ministirliqining axbarati shu küni parizhda yüz bergen térrorluq hujumdin bir qanche sa'et kéyinla élan qilin'ghan. Parizhdiki térrorluq hujumda az dégende 129 kishi ölgen.

Xitay j x ministirliqi 14‏-noyabir tarqatqan axbaratida, parizh térrorluq hujumi bilen Uyghur ilidiki hujumni öz ‏-ara baghlap, “13 ‏-Noyabir qara jüme küni parizh tarixtiki eng éghir térrorluq hujumgha uchrap, nechche yüz adem chiqimdar boldi. Yer sharining bashqa bir teripide shinjangdiki xitay saqchiliri 56 künlük iz qoghlash arqiliq axiri zor ghelibige érishti” dégen.

Biraq da'iriler axbaratida, öltürülgen hujumchilarning sani, kimliki, eger ular “Soghan weqesi”ge chétishliq hujumchilar bolsa, ular bille élip mangghan balilar‏ we ayallarning ehwali heqqide héchqandaq uchur bermigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.