Д у қ рәиси рабийә қадир ханим хәлқарани «бай кан вәқәси» үстидин мустәқил тәкшүрүш елип беришқа чақирди

Мухбиримиз әркин
2015-11-26
Елхәт
Пикир
Share
Принт

Д у қ рәиси рабийә қадир ханим хитайни «бай көмүр кан вәқәси» үстидин мустәқил хәлқара тәкшүрүш елип беришқа йол қоюшқа чақирди. Рабийә қадир ханим бу чақириқни хитай аманлиқ күчлириниң «соған ‏көмүр кан вәқәси» гә қатнашқан 28 кишини отчачар билән көйдүрүп өлтүрүлгәнликигә қарита оттуриға қойған.

У, хитайниң бу вәқәни немә үчүн 56 күндин кейин елан қилғанлиқиға соал қоюп, «әгәр парижда террорлуқ һуҗуми йүз бәрмигән болса, бу вәқәни давамлиқ йошурун тутқан боламти?» дегән.

Рабийә қадир ханим радиомизға бәргән баянатида йәнә, хәлқараниң бәзи тәдбирләрни қоллинип, хитай һөкүмитиниң һазирқи хәлқара террорлуққа қарши туруш вәзийитидин пайдилинип уйғурларни бастурушни күчәйтишидин сақлинишни тәләп қилған.

Д у қ йеқинқи 3-4 күн ичидә бай кан вәқәсини мустәқил тәкшүрүшни тәләп қилған 2‏-тәшкилат. Буниңдин бурун хәлқара кәчүрүм тәшкилати мустәқил тәкшүрүш елип беришни тәләп қилған. Хәлқара кәчүрүм тәшкилати өлтүрүлгәнләрниң арисида аяллар вә балиларниң бар-йоқлуқини ениқлашни тәләп қилған.

Хитай җ х министирлиқи 13‏-ноябир парижда террорлуқ һуҗуми йүз берип бир қанчә саәттин кейинла, бай көмүр кан вәқәсигә қатнашқан «террорчилар» ниң өлтүрүлүп, «зор ғәлибигә» еришкәнликини елан қилған.

Хитай «азадлиқ армийә гезити» болса өңкүргә киривалған һуҗумчиларниң отчачар қоралда көйдүрүп өлтүрүлгәнликини билдүргән. Әмма аяллар вә балилар һәққидә һечқандақ учур бәрмигән иди.

Пикирләр (0)
Share
Толуқ бәт