Беқивелинған қиз мунирә мәмәтниң туғулған өңкүрдә өлгәнлики ашкариланди

Мухбиримиз шөһрәт һошур
2015-12-09
Share

Хитай, бай көмүркан һуҗум гумандарлиридин 28 кишиниң өлтүрүлгәнликини елан қилип, уларниң кимлик вә кимлик кәчмишини елан қилмиғандин кейин мухбиримиз, вәқәдә өлгәнлики илгири сүрүлгән 9 яшлиқ мунирә мәмәт һәққидә әһвал игилиди.

Тәвәликтики кәнт мәсули вә аһалиләрниң баянидин қариғанда, 9 яшлиқ гумандар мунирә мәмәт өзи туғулған вә қутқузувелинған ғарниң ичидә хитай қораллиқ қисминиң һуҗумида һаятидин айрилған.

Баян қилинишичә, мунирә қорсақтики вақтида пиланлиқ туғут сәвәблик чүшүрүлүветиш хәвпигә дуч кәлгән.

Бай көмүркан һуҗумчилиридин мәмәт әйса мунирәниң ата-анисини "йәвәнди" дәп атилидиған тағ бағридики бир өңкүргә йөткәп йошурған. Мунирә аман-есән туғулғандин кейин, униң дадиси турғун мәмәтниң разилиқи билән уни гумандар мәмәт әйса беқивалған.

18-Сентәбир көмүркан һуҗуми йүз бәргәндә мәмәт әйса беқивалған қизи мунирә мәмәтниму һәмраһлири билән бирликтә елип қачқан. Нәтиҗидә мунирә мәмәт өзи туғулған вә беқивелинған камирида хитай қораллиқ күчлириниң һуҗумида һаятидин айрилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт