Béqiwélin'ghan qiz munire memetning tughulghan öngkürde ölgenliki ashkarilandi

Muxbirimiz shöhret hoshur
2015-12-09
Share

Xitay, bay kömürkan hujum gumandarliridin 28 kishining öltürülgenlikini élan qilip, ularning kimlik we kimlik kechmishini élan qilmighandin kéyin muxbirimiz, weqede ölgenliki ilgiri sürülgen 9 yashliq munire memet heqqide ehwal igilidi.

Teweliktiki kent mes'uli we ahalilerning bayanidin qarighanda, 9 yashliq gumandar munire memet özi tughulghan we qutquzuwélin'ghan gharning ichide xitay qoralliq qismining hujumida hayatidin ayrilghan.

Bayan qilinishiche, munire qorsaqtiki waqtida pilanliq tughut seweblik chüshürülüwétish xewpige duch kelgen.

Bay kömürkan hujumchiliridin memet eysa munirening ata-anisini “Yewendi” dep atilidighan tagh baghridiki bir öngkürge yötkep yoshurghan. Munire aman-ésen tughulghandin kéyin, uning dadisi turghun memetning raziliqi bilen uni gumandar memet eysa béqiwalghan.

18-Séntebir kömürkan hujumi yüz bergende memet eysa béqiwalghan qizi munire memetnimu hemrahliri bilen birlikte élip qachqan. Netijide munire memet özi tughulghan we béqiwélin'ghan kamirida xitay qoralliq küchlirining hujumida hayatidin ayrilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet