Бу йил қәшқәрдики кона мәһәллиләрни өзгәртиш қурулуши тезләштүрүлидикән

Мухбиримиз әркин
2020.05.11

Хитай һөкүмити бу йил қәшқәр шәһири, қәшқәр кона шәһәр наһийәси, йеңи шәһәр наһийәси вә пәйзиват қатарлиқ наһийәләрдики кона мәһәллиләрни өзгәртиш қурулуши тезлитилидикән.

Хәвәрдә қәшқәр вилайитигә қарашлиқ 8 наһийә, бир шәһәрдики 75 кона мәһәллиниң өзгәртилидиғанлиқини билдүргән. “қәшқәр гезити” ниң 11-май күни бәргән хәвиридә ашкарилишичә, хитай һөкүмити мәзкур қурулушқа 204 милйон йүән мәбләғ аҗратқан болуп, бу түр 8693 аилигә четилидикән. Мәзкур қурулуш хитай һөкүмити уйғур мәһәллилирини чеқип ташлап, уларниң әнәниви яшаш адәтлиригә вә иҗтимаий алақә ториға бузғунчилиқ қилиш уларға қарита “мәдәнийәт қирғинчилиқи” елип бериш билән әйиблиниватқан мәзгилдә елип берилмақта.

Бәзи мутәхәссисләрниң тәкитлишичә, хитайни уйғур мәһәллилирини чеқип ташлишидики әсли пилани “уйғурларни бина өйләргә көчүрүп, уларни юқири техника арқилиқ техиму асан контрол қилишни ишқа ашуруш” икән. Лекин “қәшқәр гезити” ниң хәвиридә “кишиләрниң яшаш муһитини яхшилашниң уларни намратлиқтин қутулдуруштики кәм болса болмайдиған амил” икәнлики тәкитләнгән.

Уйғур аптоном райони даирилириниң бу йиллиқ пилани районниң һәр қайси шәһәр-базарлардики “кәпә район” дәп аталған 73 миң 160 мәһәллини өзгәртишкән. Шинхуа агентлиқиниң 11-май тарқатқан бу һәқтики хәвиридә бу “кәпә районлири” ниң 14 миң 412 сидә 4-айниң ахирлири қурулуш башланғанлиқи, һәр қайси җайлар бу қурулушниң 10-айниң ахирлири пүтүшигә капаләт бәргәнлики тәкитләнгән. “қәшқәр гезити” ниң хәвиридә қәйт қилинишичә, 2019-йили қәшқәрниң йопурға, мәкит, йәркән, вә маралбеши наһийәлиридә 45 мәһәллә өзгәртилгән икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.