Bu yil qeshqerdiki kona mehellilerni özgertish qurulushi tézleshtürülidiken

Muxbirimiz erkin
2020-05-11
Élxet
Pikir
Share
Print

Xitay hökümiti bu yil qeshqer shehiri, qeshqer kona sheher nahiyesi, yéngi sheher nahiyesi we peyziwat qatarliq nahiyelerdiki kona mehellilerni özgertish qurulushi tézlitilidiken.

Xewerde qeshqer wilayitige qarashliq 8 nahiye, bir sheherdiki 75 kona mehellining özgertilidighanliqini bildürgen. "Qeshqer géziti" ning 11-may küni bergen xewiride ashkarilishiche, xitay hökümiti mezkur qurulushqa 204 milyon yüen meblegh ajratqan bolup, bu tür 8693 a'ilige chétilidiken. Mezkur qurulush xitay hökümiti Uyghur mehellilirini chéqip tashlap, ularning en'eniwi yashash adetlirige we ijtima'iy alaqe torigha buzghunchiliq qilish ulargha qarita "Medeniyet qirghinchiliqi" élip bérish bilen eyibliniwatqan mezgilde élip bérilmaqta.

Bezi mutexessislerning tekitlishiche, xitayni Uyghur mehellilirini chéqip tashlishidiki esli pilani "Uyghurlarni bina öylerge köchürüp, ularni yuqiri téxnika arqiliq téximu asan kontrol qilishni ishqa ashurush" iken. Lékin "Qeshqer géziti" ning xewiride "Kishilerning yashash muhitini yaxshilashning ularni namratliqtin qutuldurushtiki kem bolsa bolmaydighan amil" ikenliki tekitlen'gen.

Uyghur aptonom rayoni da'irilirining bu yilliq pilani rayonning her qaysi sheher-bazarlardiki "Kepe rayon" dep atalghan 73 ming 160 mehellini özgertishken. Shinxu'a agéntliqining 11-may tarqatqan bu heqtiki xewiride bu "Kepe rayonliri" ning 14 ming 412 side 4-ayning axirliri qurulush bashlan'ghanliqi, her qaysi jaylar bu qurulushning 10-ayning axirliri pütüshige kapalet bergenliki tekitlen'gen. "Qeshqer géziti" ning xewiride qeyt qilinishiche, 2019-yili qeshqerning yopurgha, mekit, yerken, we maralbéshi nahiyeliride 45 mehelle özgertilgen iken.

Toluq bet