Shimaliy filorida uniwérsitéti kungzi institutini taqashni qarar qildi

Amérikining shimaliy filorida uniwérsitéti özide 2014-yili tesis qilin'ghan kungzi insti'utini taqashni qarar qilghan.

Mektep rehberliki bu heqte élan qilghan bayanatida kungzi institutining 4 yildin buyan élip barghan pa'aliyetlirini közitish we oniwérsitétning ghayisi bilen sélishturush netijiside bu institutni taqashni qarar qilghanliqini bildürgen. Melum bolushiche kungzi instituti xadimlirigha 6 ay ichide mekteptin ayrilish heqqide uqturush bérilgen.

Roytérs asgéntliqining 15-awghusttiki bu heqtiki xewiride bayan qilishiche, amérika dölet mejlisining ezasi marko rubiyo bügünki tiwittir uchurida shimali filorida uniwérsitétining mezkur qararini tebrikligen we amérikidiki bashqa oniwérsitétlarnimu kungzi institutini tézdin taqashqa dewet qilghan. Ilgiri marko rubiyo qatarliq bir qisim dölet mejlisi ezaliri xitayning kungzi institutlirining meqsitining durus emeslikini, yeni ularning siyasiy jehettin amérikigha tesir körsitishni meqset qilghanliqini ilgiri sürüp, bu institotlarni taqashni teshebbus qilghan idi. Buning netijiside ötken aylara pénsilwaniye uniwérsitéti we chikago uniwérsitéti kungzi institotlirini taqashni qarar qilghan idi.

Melum bolushiche, merkizi ishxanisi béyjingda bolghan kungzi institutining amérikidiki 100 din artuq uniwérsitétta shöbiliri qurulghan iken.