Amérikidiki pén shtatliq uniwérsitéti “Kungzi instituti” ni taqighanliqini jakarlidi

Muxbirimiz irade
2014.10.02

Amérikidiki dangliq uniwérsitétlarning biri bolghan “Pén shtatliq uniwérsitéti bu hepte “Kungzi instituti” ni taqighanliqini jakarlighan idi. Bügün, chikago uniwérsitétimu özlirining bu yil “Kungzi instituti” gha a'it kélishimini yéngilimaydighanliqini jakarlidi.

Buning bilen xitay hökümitining xelq'aradiki “Yumshaq küchi” ni kücheytish üchün qurup chiqqan kungzi institutliri bir hepte ichide ikki qétim zerbige uchrighan bolup qaldi.

Xitay hökümitining qollishi bilen dunyadiki 300 din artuq uniwérsitétta kungzi institutliri échilghan. Biraq, yéqinqi yillarda kungzi institutliri ilim saheside naraziliq peyda qilmaqta. Akadémikler kungzi institutlirining xitay hökümitining chet'ellerdiki bashqurush ornigha aylinip qéliwatqanliqi, xitay hökümitining bu orun arqiliq akadémiye exlaqigha xilap heriketlerde boluwatqanliqi, xitaydiki sezgür mesililerdin söz échishqa yol qoymay, chet'el uniwérsitétlirida pikir erkinlikini boghushqa urunuwatqanliqidin shikayet qilmaqta.

Télégraf gézitining xewer qilishiche, aldinqi yili iyunda “Amérika uniwérsitét proféssorliri uyushmisi” amérikidiki 100 uniwérsitétqa qarita ya kungzi institutlirini bikar qilish, yaki bolmisa uni gherbning qimmet qarishini eks ettüridighan orun'gha aylandurush heqqide chaqiriq élan qilghan. Aldinqi yili yene firansiyediki jin molin uniwérsitétimu kungzi institutini bikar qilghan idi. Xitay hökümiti bolsa téxi yéqindila kungzi institutliri qurulghanliqining 10 yilliqini tebriklidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.