Xitay ötken yili Uyghur yéza emgek küchlirige qarita 650 ming adem qétim "Kespiy terbiye‏" élip barghan

Muxbirimiz erkin
2020-01-20
Élxet
Pikir
Share
Print

Xitay da'iriliri 2019‏-yili Uyghur yéza éshincha emgek küchlirini terbiyeleshni dawamliq kücheytip, ulargha qarita 650 ming adem qétim atalmish "Kespiy maharet terbiyesi" élip barghan.

"Shinjang géziti" ning 20‏-yanwardiki xewiride ashkarilishiche, buning ichide atalmish kinishkaliq namrat a'ililerning emgek küchlirige qarita élip bérilghan "Kespiy maharet terbiyesi" 240 ming 140 adem qétim bolup, pilandikidin 258 % artuq orundalghan. Lékin xewerde "Kespiy maharet terbiyesi" élip bérilghan mezkur yéza éshincha emgek küchlirining qaysi jaylardiki karxanilargha yötkelgenliki tilgha élinmighan.

Xitay hökümiti Uyghurlargha "Kespiy maharet terbiyesi" élip bérip, ishqa orunlashturuwatqanliqini qeyt qilsimu, lékin kishilik hoquq teshkilatliri ularning azraq ish heqqi bilen xitay zawutlirida mejburiy emgekke séliniwatqanliqini ilgiri sürmekte. Yéqinda élan qilin'ghan bezi xewerlerde "Uyghur ishlemchiliri" mesilisining xitayda bir xil tijaret kespige aylan'ghanliqi, bezi xitay emgek mulazimet shirketlirining "Uyghur ishlemchiliri" ni torda ashkara bazargha séliwatqanliqi tekitlen'gen.

Uyghur aptonom rayonluq adem bayliqi we ijtima'iy parawanliq nazaritining bildürüshiche, mezkur programma 2020‏-yili dawamliq kéngeytilidiken. "Tengritagh tori" ning ötken hepte ashkarilishiche, Uyghur aptonom rayonluq adem bayliqi we ijtima'iy parawanliq nazariti mezkur programmigha bu yil 680 milyon yüen meblegh ajritidighanliqini bildürgen. Da'iriler bu yilliq "Terbiyelesh" ning nuqtiliq karxanilardiki ishchi-xizmetchiler ishqa orunlashturulidighan "Nishanliq top", kinishkaliq namrat sheher-yéza emgek küchlirige qaritilidighanliqini bildürgen.

Toluq bet