Куча ханиқитам хәлқ соти «мәмликәт бойичә илғар коллектип» болуп баһаланған

Мухбиримиз җәвлан
2020-11-25
Share

«Ақсу ахбарат тори» ниң 25-ноябир тарқатқан хәвиридә ейтилишичә, куча шәһәрлик хәлқ сот мәһкимиси ханиқитам хәлқ соти «мәмликәт бойичә сот мәһкимилири вә хәлқ сотидики илға коллектип» болуп баһаланған. Бу қетим хитай бойичә 100 асасий қатлам хәлқ соти тәқдирләнгән болуп, буниң ичидә уйғур районида 4 асасий қатлам хәлқ соти бар икән.

Хәвәрдә билдүрүлүшичә, 1987-йил қурулған ханиқитам хәлқ соти төт йеза-базардики 120миңдин артуқ амминиң һәқ-тәләп маҗралириға сот ечиш вә һөкүмни иҗра қилиш хизмитигә мәсул икән. Хәвәрдә кишиниң диққитини қозғайдиған мундақ җүмлиләр бар: «бу сот мәһкимиси торда дело турғузушни йолға қоюп, зиддийәтләрни торда һәл қилиш суписини кеңәйтип, көп қисим зиддийәт-маҗраларни асасий қатламда һәл қилишни мувәппәқийәтлик һалда ишқа ашуруп, җәмийәтниң инақлиқи вә муқимлиқини қоғдиди».

Көзәтчиләрниң қаришичә, мәзкур сот мәһкимисиниң торда дело турғузуши асасән өз тәвәликидики районниң инақлиқи вә муқимлиқини қоғдашни васитә қилип туруп, кәнтләргә әвәтилгән кадирлар, шу җайлардики аһалә әһвалиға көз-қулақ болғучилар қатарлиқлар билән һәмкарлишип, хитай һөкүмити гуманлиқ дәп қариған адәмләрни торда қара тизимликкә елиш, тутуш, һәтта тордила сотлаш яки сотлимайла һөкүм чиқириш вәзипилирини актиплиқ билән өтигән болуши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт